Müəllif: Tamara Mustafayeva, Banco.az
Avropa İttifaqı (Aİ) Şurası üzv ölkələrin nümayəndələrinin beynəlxalq vergitutma ilə bağlı razılığa gəldiyini açıqlayıb.
Banco.az xəbər verir ki, Aİ-yə üzv dövlətlər İqtisadi Əməkdaşlıq və İnkişaf Təşkilatının (OECD) beynəlxalq vergi islahatının ikinci sütunu kimi tanınan minimum vergitutma komponentini Aİ səviyyəsində həyata keçirmək barədə razılığa gəliblər.
Müqavilə ilə bağlı üzv dövlətlər arasında yekdilliyin əldə edildiyi vurğulanaraq rəsmi ratifikasiya prosesinin yazılı şəkildə həyata keçiriləcəyi qeyd edilib.
Sözügedən razılaşma ilə ümumi illik dövriyyəsi ən azı 750 milyon avro olan çoxmillətli və ya yerli şirkətlərin mənfəətindən ən azı 15 faiz vergi tutulacağı, yeni qaydaların çoxmillətli şirkətlərə qlobal minimum korporativ vergi dərəcəsini ödəməyə imkan yaradacağı bildirilib.
Bizi sosial şəbəkələrdən izləyin!!
