Müəllif:Mehin Qasımova,Banco.az

ABŞ İran kriptovalyuta birjası BitBank-a qarşı sanksiyalar tətbiq edib.

Banco.az xəbər verir ki, bu barədə ABŞ Maliyyə Nazirliyi məlumat yayıb.

Onun sözlərinə görə, bu struktur ölkənin ən varlı şəxslərindən biri hesab edilən tanınmış İran iş adamı və maliyyəçisi Babək Zəncani tərəfindən idarə olunur. ABŞ hakimiyyət orqanlarının verdiyi məlumata görə, "BitBank" platformasının inkişaf etdiricisi olan "Piştaz Simorgh Electronic Trade Company" və Zəncaninin "Dot One" firmasından olan üç biznes tərəfdaşına da məhdudiyyətlər qoyulur.

ABŞ Zəncaniyə qarşı 2026-cı ilin yanvar ayında məhdudiyyətlər tətbiq edib. Vaşinqton iddia edir ki, onun şirkətləri İrana qarşı Qərb sanksiyalarından yayınmağa kömək edir. Bundan əlavə, ABŞ hakimiyyəti Zəncani və onun şirkətlərinin İslam İnqilabı Keşikçiləri Korpusuna (İran Silahlı Qüvvələrinin elit bölməsi) dəstək verdiyinə inanır.