Tamara Mustafayeva, Banco.az
Boston Consulting Group (BCG) təşkilatının apardığı araşdırma 2020-ci ilin ən innovativ 50 şirkətini müəyyən edib.
Sözügedən araşdırma zamanı şirkətlər dörd amilə görə dəyərləndirilir: Qlobal İstehlakçı İnamı, Sənayedə Yaş Dəyərləndirilməsi, Sənaye Deqradasiyası və Dəyər Yaratma.
Banco.az xarici mətbuata istinadla bildirir ki, BCG araşdırmasına görə, Apple, Alphabet, Amazon, Microsoft və Samsung 2020-ci ilin ən innovativ şirkətləri siyahısının ilk beşliyində qərarlaşıblar.
Xatırladaq ki, BCG tərəfindən hər il həyata keçirilən bu araşdırmanın nəticəsində tərtib edilən siyahıda sadəcə 8 şirkət - Alphabet, Amazon, Apple, HP, IBM, Microsoft, Samsung və Toyota müntəzəm olaraq yer alır.
Siyahının ən sürətli yüksəlişinə imza atan şirkət Çinin texnologiya nəhəngi Huawei olub. Belə ki, keçən ilki siyahının 48-ci pilləsində qərarlaşan şirkət bu il 6-cı sıraya yüksəlib. Bu yüksəlişin əsas səbəbi şirkətin 2019-cu ildə Ar-Ge texnologiyası üzrə həyata keçirdiyi 19 milyard dollarlıq yatırımdır. Belə yatırımlar böyük əhəmiyyət kəsb edir, çünki Huawei ötən il Apple firmasından daha çox smartfon satışı reallaşdırıb.
Digər bir yüksəliş isə ABŞ-ın transmilli pərakəndə şirkəti Walmart-a aiddir. Şirkət 42-ci pillədən 13-cü pilləyə yüksəlib. Walmart e-ticarət və çox kanallı təqdimat istiqamətində əsaslı addımlar atır. Məsələn, 2020-ci ildə "NextDay Delivery" adlı innovasiya proqramına başlayan şirkət ABŞ əhalisinin böyük hissəsinə gündəlik təslimat xidməti həyata keçirir. Şirkət həmçinin Çinin e-ticarət platforması JD.com-da 5%-dən 12%-ə yüksələn səhmlərə sahibdir.
Həmçinin oxu: Tramp Çinli texnologiya şirkətlərinə təzyiqi gücləndirir
Bizi sosial şəbəkələrdən izləyin!!
