“İpək Yolu Sığorta”nın mənfəəti 15% artıb | Banco.az

“İpək Yolu Sığorta”nın mənfəəti 15% artıb

“İpək Yolu Sığorta” ASC-nin cəmi aktivləri bu il aprelin 1-nə 50,085 milyon manat təşkil edib.

Şirkətin maliyyə hesabatına görə, bu, ötən il aprelin 1-i ilə müqayisədə 17,4% çoxdur.

Son 1 ildə “İpək Yolu Sığorta”nın cəmi öhdəlikləri 77,7% artaraq 27,266 milyon manata çatıb, cəmi kapitalı isə 16,5% azalaraq 22,819 milyon manata düşüb.

Bu ilin I rübündə “İpək Yolu Sığorta”nın gəlirləri 7,133 milyon manat (ötən ilin eyni dövrünə nisbətən 2,8% çox), xərcləri 6,558 milyon manat (1,85% çox) təşkil edib. Son nəticədə şirkət rübü 575 min manat mənfəətlə başa vurub ki, bu da illik müqayisədə 14,8% çoxdur.

Ən sərfəli kredit üçün müraciət et

Xatırladaq ki, "İpək Yolu Sığorta" 2011-ci ildə "AZAL Sığorta" ASC-nin bazasında yaradılıb, "Silkway Holding" MMC-yə daxildir. Onun nizamnamə kapitalı 14,77 mln. manatdır. Şirkətin səhmlərinin 38,74%-i Cəmilə Cahangir qızı Əsgərovaya, 38,74%-i Məlahət Cahangir qızı Əsgərovaya, 19,05%-i "Silkway Airlines" şirkətinə, 3,47%-i isə "Azərbaycan Hava Yolları" QSC-yə məxsusdur. 

Report.az

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç