Bu il aprelin 1-nə olan vəziyyətə görə, Azərbaycanda fəaliyyət göstərən 30 bankdan 14-nün öhdəlikləri illik müqayisədə azalıb.
Bunlar "Azərbaycan Sənaye Bankı", "Xalq Bank", "Azərbaycan Beynəlxalq Bankı", "Zıraat Bank Azərbaycan", "AGBank", "Express Bank", "Atabank", "Access Bank", "Bank Avrasiya", "Nikoyl Bank", "Yapı Kredi Bank Azərbaycan", "Bank of Baku", "AFB Bank" və Pakistan Milli Bankının Bak filialındadır. Ən çox azalma Pakistan Milli Bankının Bakı filialında (36,3%), ən az azalma isə "Azərbaycan Səaye Bankı"nda (0,6%) qeydə alınıb.
Qalan 16 bankın öhdəlikləri isə son 1 ildə artıb. Ən çox artım "Bank Respublika"da (48,8%), ən az artım isə "Bank BTB" və "Turan Bank"da (1,1%) baş verib.
5 bankın öhdəlikləri 1 milyard manatdan çoxdur
Bu il aprelin 1-nə olan vəziyyətə görə, Azərbaycanda fəaliyyət göstərən 30 bankdan 5-nin öhdəlikləri 1 milyard manatdan çoxdur.
Bunlar "Azərbaycan Beynəlxalq Bankı" (7 162,517 milyon manat), "PAŞA Bank" (4 193,674 milyon manat), "Kapital Bank" (3 162,903 milyon manat), "Xalq Bank" (1 931,529 milyon manat) və "Bank Respublika"dır (1 028,522 milyon manat).
Qalan 25 bankdan 5-nin öhdəlikləri 0,5 - 1 milyard manat arasında, 16 bankın öhdəlikləri 100 - 500 milyon manat arasında, 3 bankın öhdəlikləri 10-100 milyon manat arasında, 1 bankın Pakistan Milli Bankının Bakı filialının öhdəlikləri isə cəmi 566 min manatdır.
Renkinq,az
