Bu il aprelin 1-nə Azərbaycanda aktiv vergi ödəyicilərinin sayı ilin əvvəli ilə müqayisədə 1,4 % artaraq 871 138 təşkil edib.
Bu barədə İqtisadiyyat Nazirliyi yanında Dövlət Vergi Xidməti xəbər verir.
Məlumata görə, bu dövrdə ölkədə aktiv ƏDV ödəyicilərinin sayı 2,6 % artaraq 59,942 min olub.
“CSRA Consular Services Inc.” şirkətinin Azərbaycan Respublikasındakı filialı ləğv edilir.
Banco.az xəbər verir ki, kreditorlar iki ay ərzində tələblərini AZ1009 Bakı şəhəri, Yasamal rayonu, Bəşir Səfəroğlu küçəsi, ev 133, mənzil 13 ünvanına bildirə bilərlər.
Müəllif: Gülnar Əhmədli, Banco.az
Cari ilin 1 mart tarixinə Azərbaycan iqtisadiyyatına cəmi kredit qoyuluşları 32 milyard 2.5 milyon manat təşkil edib.
Azərbaycan Respublikası ərazisində bina tikintisi ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin bir hissəsinin fiziki şəxs olan istehlakçılara qaytarılması ilə bağlı “ƏDV geri al” layihəsi uğurla davam etdirilir.
Bu barədə Dövlət Vergi Xidməti xəbər verir.
Azərbaycanın aparıcı investisiya şirkətlərindən biri olan “Unicapital İnvestisiya Şirkəti” ASC, ölkənin maliyyə bazarında tarixi bir yeniliyi təqdim edir. Belə ki, investorlar Unicapital vasitəsilə Azərbaycanın ən iri banklarından biri olan PAŞA Bank-ın səhmlərini əldə edərək onun rəsmi səhmdarına çevrilə bilər.
“Yapı Kredi Bank Azərbaycan” QSC ilə Enerji Məsələlərini Tənzimləmə Agentliyi (EMTA) arasında müvəkkil kredit təşkilatı vasitəsilə Enerji Effektivliyi Fondunun vəsaiti hesabına güzəştli kreditlərin verilməsinə dair əməkdaşlıq müqaviləsi imzalanıb.
Müqaviləni EMTA-nın İdarə Heyətinin sədri Samir Axundov və “Yapı Kredi Bank Azərbaycan” QSC-nin İdarə Heyətinin sədri Mete Şamil Öztürk imzalayıblar.
Azərbaycan Mərkəzi Bankı (AMB) qiymətli kağızlar bazarının iştirakçılarına xəbərdarlıq edib.
Qurumun açıqlamasında deyilir ki, "Qiymətli kağızlar bazarı haqqında" qanuna müvafiq olaraq səhmdar cəmiyyətinin illik hesabatı hər başa çatmış təqvim ilinin nəticələri üzrə hazırlanaraq (qanunvericilikdə nəzərdə tutulmuş hallar istisna olmaqla) onun səhmdarlarının ümumi yığıncağı tərəfindən təsdiq edilir.
Azərbaycanda təminatlı əqdlər üzrə tənzimləmə çərçivəsinin tətbiqi vəziyyəti qiymətləndiriləcək və bu sahədə mövcud çətinliklərin aradan qaldırılması istiqamətində tədbirlər görüləcək.
Azərbaycan Mərkəzi Bankının təminatlı əqdlər üzrə inteqrasiya edilmiş hüquqi çərçivənin tətbiqi vəziyyətinə dair apardığı sorğuların nəticələri aidiyyəti tərəflərlə birlikdə müzakirə olunacaq.
Ötən gün ölkədə istehsal olunan elektrik enerjisinin 29,1%-i bərpaolunan enerji mənbələrinin payına düşüb.
Energetika Nazirliyindən verilən məlumata görə, aprelin 6-da ümumilikdə 62,6 milyon kilovat-saat elektrik enerjisi istehsal edilib ki, bunun 18,2 milyon kilovat-saatı məhz bərpa olunan mənbələr hesabına təmin olunub.
Bu ilin yanvar-mart ayları ərzində ölkə ərazisində pərakəndə ticarət, ictimai iaşə fəaliyyəti göstərən şəxslərdən alınmış mallara (neft və qaz məhsulları, avtomobillər, alkoqollu içkilər və tütün məmulatları istisna olmaqla), teatr tamaşaları, film nümayişi, muzey ziyarəti və simfonik orkestrin konserti sahəsində, həmçinin tibb müəssisələri və özəl tibbi praktika ilə məşğul olan fiziki şəxslər tərəfindən həyata keçirilən xidmətlərə, işğaldan azad edilmiş ərazilər daxilində yerləşmə vasitələri hesab edilən mehma
