Sosial qayğıya ehtiyacı olan ailələrin və kimsəsiz uşaqların həyat səviyyəsinin yaxşılaşdırmasına hər zaman dəstək olmağa çalışan “FINCA Azerbaijan” Qeyri-bank Kredit Təşkilatı bu istiqamətdə növbəti layihəyə imza atdı. Oktyabr ayından etibarən “FINCA Azerbaijan” “Azərbaycan Sosial İş” İctimai Birliyi ilə əməkdaşlıq edərək Mərdəkan qəsəbəsində fəaliyyət göstərən Ailə, Uşaq və Gənc Təlim və Məsləhət Mərkəzinə maliyyə dəstəyi göstərəcəkdir.
“Muğanbank” ASC-nin baş ofisində oktyabrın 30-da adsız istiqrazların sayca 32-ci tirajı keçiriləcəkdir.
Məhsula olan yüksək tələbatı və çoxsaylı istiqraz sahiblərinin maraqlarını nəzərə alaraq tirajın gedişi canlı yayımlanır. Canlı yayımı qeyd olunmuş “link”dən izləmək mümkündür.
TuranBank nizamnamə kapitalını artırmaq məqsədilə 4 milyon 154 manat dəyərində adi, adlı, sənədsiz səhmlərinin emissiya prospektinin Azərbaycan Respublikası Qiymətli Kağızlar üzrə Dövlət Komitəsində qeydiyyata alınması prosesinə başlamışdır. Səhmlərin buraxılışı dövlət qeydiyyatına alındıqdan sonra onların Bakı Fond Birjasında yerləşdirilməsi aparılacaq.
Qiymətli Kağızlar üzrə Dövlət Komitəsi (QKDK) "Amrahbank" ASC-nin 20 milyon manat dəyərində adi, adlı, sənədsiz səhmlərinin emissiya prospektini qeydiyyata alıb.
QKDK-nin rəsmi saytına istinadən, prospekt çərçivəsində hər birinin nominal dəyəri 100 manat olan 200 min ədəd səhm buraxılıb.
DəmirBank həftənin bütün günləri 24 saat fasiləsiz müştəri xidmətinin inkişafı məqsədilə www.demirbank.az saytından onlayn qaydada kredit ödənişlərinin qəbuluna başlayıb.
Pul köçür, bonus al,
Parabankdan razı qal!
İndi Parabank pul köçürmələri edən müştərilərinə daha bir bonus kompaniyası təqdim edir. Müştərilərin göndərdiyi və aldığı məbləğdən asılı olaraq onlara plastik kart və danışıq konturları hədiyyə olaraq təqdim olunacaq.
“AtaBank” ASC-nin 1 mart 2013-cü il tarixindən start verdiyi "Nağdsız ödə, nağd qazan" ani stimullaşdırıcı lotereya kampaniyasının başladığı müddət ərzində 19 801 ədəd lotoreya bileti paylanılmış və uduş kampaniyasında iştirak edən müştərilərin lotoreya biletləri əsasında 35 695 AZN pul mükafatı qazanılmışdır. “AtaBank” ASC-nin keçirdiyi "Nağdsız ödə, nağd qazan" ani stimullaşdırıcı lotereya kampaniyasında qalan lotoreya biletlərinin sayı 10 193 ədəd təşkil edir.
Bank VTB (Azərbaycan) ASC-nin call-center bir illik fəaliyyətinin yekunlarını elan edib. Onlayn konsultasiyaların köməyi ilə saytda daxil olan 2 608 müraciət və 750-dən yuxarı onlayn sifariş işlənilmişdir. Call-centerin əsas vəzifələri Bankdan kənar satışlara dəstək, gecikdirmiş kreditlərin izlənməsi, daxil olan zənglər üzrə konsultasiyaların aparılmasından ibarətdir.
Unibank-dan Albalı kart sahiblərinə növbəti sürpriz: “Albalı kartınızla alış-veriş edin və qazanın” tirajlı stimullaşdırıcı lotereya başlayır. Oktyabrın 24-dən dekabrın 31-dək davam edən lotereya oyunu müddətində Albalı kartı ilə (o cümlədən 28 Malla Albalı kartları ilə) minimum 10 AZN-lik alış-veriş edən hər kəs lotereyada iştirak edə bilər. Əməliyyatın hər 10 AZN-i bir şans kimi qiymətləndirilir (28 Mall Albalı ilə 28 Mallda edilən belə əməliyyat isə iki şans kimi dəyərləndiriləcək).
“Bank Technique” “Bank xidmətlərində mükəmməlik” (Excellence in Banking Services) nominasiyası üzrə nüfuzlu beynəlxalq IAIR Award mükafatına layiq görülüb.
Mükafat “Bank Technique”ə bank xidmətlərində yeni texnoloji həllərin tətbiqinə görə təqdim edilib ki, bu, ekspertlərin qənaətinə görə, müştərilərə vaxta və pul vəsaitinə qənaət etməyə imkan yaradır.
