“Bank Technique” Bakıda Four Seasons hotelində təşkil edilmiş təqdimat mərasimində “Technique Online” tamfunksional internet-bankçılıq sistemini, “Technique Mobile” smartfonlar üçün mobil proqramını və Azərbaycan bazarı üçün unikal hesab edilə bilən və bank əməliyyatlarının telefon əlaqəsi vasitəsilə icrasını təmin edən “Technique ID” qabaqcıl identifikasiya sistemini birləşdirən ən yeni İnnovativ Məsafəli Bankçılıq Xidmətlərini nümayiş etdirib.
Expressbank-ın “Mücrü” əmanəti 1,2,3 illik müddətə yerləşdirilə bilər. Hesabı açmaq üçün minimal məbləğ 50 AZN/USD/EUR, əlavə olunan məbləğ isə minimum 10 AZN/USD/EUR olmalıdır. Müştərilərinin istəyindən asılı olaraq faizlər aylıq və ya müddətin sonunda ödənilə bilər. Hesab sahiblərinə plastik kart hədiyyə olunur.
“Üç qat bonus” kampaniyası çərçivəsində “DəmirBank” kartları” ilə Hesab.az ödəmələr portalında ödəniş edib yüksək xal toplayanlar Bank tərəfindən mükafatlandırılıb. Qaliblərə topladıqları bonus xalların müqabilində VİSA Gold, VİSA Platinum, Priority Pass kartları və mobil telefon“charger” aləti kimi hədiyyələr təqdim edilib.
Ölkənin aparıcı banklarından olan Kapital Bank ASC-nin İdarə Heyətinin üzvləri sırasına daha bir təcrübəli kadr qatılıb. Ölkənin tanınmış banklarından birində İdarə heyətinin sədri vəzifəsində çalışmış Fərid Hüseynov may ayının 1-dən etibarən Kapital Bankda İdarə Heyəti Sədrinin müavini, Baş əməliyyat inzibatçısı vəzifəsində çalışacaq.
Cari il aprel ayının 28-də keçirilən Bank of Baku ASC-nin Müşahidə Şurasının iclasında bankın yeni İdarə Heyətinin Sədri vəzifəsinə Abbas İbrahimovun təyin edilməsi qərarı verilmişdir. Abbas İbrahimov may ayının 1-dən etibarən yeni səlahiyyətlərinin icrasına başlayacaq. Bank of Baku-nun fəaliyyətində əvəzsiz əməyi olan eks-sədr Fərid Hüseynov tutduğu vəzifədən öz xahişi əsasında azad edilmişdir və peşəkar fəaliyyətinə digər maliyyə qurumda davam edəcəkdir.
Həm işinin peşəkarı olmaq, həm də sevdiyin sahənin seçilənlərindən olmaq! İdmana dəstək sahəsində çoxillik müsbət ənənəyə malik olan Unibank-ın əməkdaşları, öz fəaliyyətləri ilə cəmiyyətə idman mədəniyyətinin təlqinində də fəal iştirak edirlər. Bankın “Regional problemli kreditlər şöbəsi”nin əməkdaşı Balı Hacıyev 22-27 aprel tarixlərində Gürcüstan Respublikasında “Powerlifting” idman növü üzrə böyüklər arasında keçirilən Avropa Kuboku yarışında ölkəmizi layiqincə təmsil edib .
“DəmirBank” mart ayı ərzində “DəmirTaksit”lə məbləğ olaraq ən çox nağdsız əməliyyat aparmış “DəmirTaksit” kart sahiblərini mükafatlandırıb. Qalib olmuş “DəmirTaksit” kart sahiblərinə televizor, notebook, fotoaparat kimi hədiyyələr təqdim edilib.
Kapital Bank ASC 21 fevral tarixində milli valyutanın ucuzlaşmasından sonra məzənnə fərqi nəticəsində yaranmış bankın kart sahiblərinin zərərlərini kompensasiya etdi.
“DəmirBank” müştərilərinə manat əmanətlərindən qısa müddətdə yüksək gəlir əldə etməyi təklif edir. Belə ki, “DəmirBank” manat əmanətləri üzrə illik faiz dərəcələrini artırıb ki, bu da müştərilərə 3 aya 10%, 6 aya isə 12% gəlir əldə etməyə imkan yaradır. Manat əmanətlərindən yüksək gəlir əldə etmək üçün Bank-ın istənilən filialında əmanət hesabı açdırmaq mümkündür.
