“Azərbaycan banklarından ən çox hansı banka etibar edirsiniz?” sualına paytaxt əhalisinin əksəriyyəti “Unibank” cavabını verib. Ölkə bankları içərisində kredit məhsullarına görə daha çox əlçatan bank hansıdır sualına da Bakı sakinlərinin çoxu “Unibank” deyiblər. Bu nəticələr Business Insight Beynəlxalq Araşdırma qrupunun Bakıda əhali arasında keçirdiyi sorğu zamanı əldə edilib.
Expressbank müştərilərə iş yerindən arayış almadan nağd pul krediti təklif edir. Artıq müştərilər elektron arayışları Expressbank-ın bütün filiallarından əldə edə bilərlər.
“NİKOYL” İKB ASC “Elektron hökumət” - www.e-gov.az portalına qoşuldu. İndi bütün vətəndaşlar “Elektron hökumət” portalından qeydiyyatdan keçməklə fərdi şəkildə özləri haqqında şəxsi məlumatları formalaşdıra bilərlər. Bunu etməklə banklarda kreditləşdirmə prosesini özləri üçün sadələşdirmiş olacaqlar. Sadəcə onlayn yaradılan elektron arayışı banka göndərmək lazımdır.
Hər il müntəzəm olaraq dünyanın müxtəlif ölkələrində Bank və Maliyyə təşkilatlarının ən yaxşısını seçən İngiltərənin nüfuzlu Global Banking and Finance review təşkilatı bu il də Yapı Kredi Bank Azərbaycana iki mükafatı birdən təqdim etmişdir. Təşkilatın rəsmi veb səhifəsində olan məlumata əsasən, Yapı Kredi Bank Azərbaycan Ən Yaxşı Pərakəndə Bank 2015 və Ən Yaxşı İnternet Bankçılıq Məhsulu 2015 mükafatlarına layiq görülmüşdür.
Rabitəbank ASC 1 İyun Uşaqların Beynəlxalq Müdafiəsi günü ərəfəsində Talassemiya və hemofiliyadan əziyyət çəkən uşaqlar üçün baş ofisində qanvermə aksiyası həyata keçirdi. Aksiyanın əsas məqsədi Respublika Talassemiya Mərkəzində qeydiyyata alınmış və mütəmadi olaraq hər ay qan köçürülməsinə ehtiyacı olan uşaqlara dəstək xarakteri daşıyırdı.
“DəmirBank”ın manat əmanətlərindən yüksək gəlir əldə etmək indi daha sərfəlidir. Bank manat əmanətləri üzrə illik faiz dərəcəsini 3 aya 10%-dək, 6 aya 12%-dək artırıb ki, bu da müştərilərə qısa müddətdə gəlirlərini artırmağa imkan yaradır.
Bu kampaniyadan istənilən şəxs minimum 100 AZN ilkin mədaxil edibəmanət hesabı açdırmaqla yararlana bilər. Əmanət hesabını isə “DəmirBank”ın istənilən filialında açdırmaq mümkündür.
Xatırladaq ki, əmanətləri manatla yanaşı, ABŞ dolları valyutasında da yerləşdirmək mümkündür.
“NİKOYL” İKB ASC cari ilin 31 avqustuna qədər davam edəcək NIKOIL | Səyahət yay əmanət aksiyasına start verir.
Unibank əməkdaşları 1 iyun -Uşaqların Beynəlxalq Müdafiəsi günündə Buzovna qəsəbəsində yerləşən 3 saylı Uşaq evinin qonağı olub və bayram münasibəti ilə uşaqları təbrik ediblər.
“Bank Technique” ASC 1 iyun tarixində “İsti yayın sərinləşdirici qazancı” adlı kampaniyası çərçivəsində fiziki şəxslərin əmanətləri üzrə faiz dərəcələrini artırıb. Artım əhali arasında ən populyar hesab edilən milli valyutada “Standart” əmanətinə şamil olunur.
