AccessBank, müştərilərinin rahatlığını düşünərək, kreditlərin MilliÖn ödəmə terminalları vasitəsilə ödənilməsi üçün şərait yaradıb. Artıq müştərilər Banka gəlmədən, günün istənilən vaxtı onlara ən yaxın olan MilliÖn ödəmə terminalından kredit ödənişini rahatlıqla həyata keçirə bilərlər. Ödəmə terminalları Bakı şəhəri və Azərbaycanın digər şəhərlərində ictimai yerlərdə quraşdırılıb.

Bu gündən etibarən “AtaBank” ASC manat əmanətləri üzrə faiz dərəcələrini artırdı. Artıq müştərilər bir il müddətinə illik 12%, 5 il müddətinə isə illik 16% dərəcə ilə əmanət yerləşdirə bilərlər. Hər ay əmanət hesablarını artırmaq istəyərək yığım edən müştərilər üçün də Bank tərəfindən xoş xəbər var. Belə ki, “Yığım” əmanəti üzrə faiz dərəcələri 1% daha artırıldı.

Expressbank müştərilərə milli valyutada kredit təklif etməkdə davam edir. Müştərilər Expressbank filiallarına müraciət etməklə, manatla kredit rəsmiləşdirə bilərlər. Kreditin məbləği 10000 AZN-dək, maksimal müddəti isə 36 ay ola bilər.

“DəmirBank” mart ayı ərzində “DəmirTaksit”lə məbləğ olaraq ən çox nağdsız əməliyyat aparmış ilk səkkiz müştərisini mükafatlandıracaq. Qalib olmuş “DəmirTaksit” kart sahiblərinə televizor, notebook, fotoaparat kimi hədiyyələr təqdim ediləcək.

Qeyd edək ki, aksiya mart ayının1-dən aprel ayının 1-nə kimi davam edəcək.

Mikromaliyyələşdirmə sektoruna texniki dəstək proqramının çərçivəsində ölkənin ən böyük banklarından biri olan PAŞA Bank sahibkarlar arasında “Kənd təsərrüfatında mikromaliyyələşdirmənin inkişafı” adlı təlim keçirir. Tədbirin təşkilat dəstəyini Azərbaycanın Mikromaliyyələşdirmə Assosiasiyası göstərir.

Expressbank 8 mart – Beynəlxalq Qadınlar Günü münasibətilə yeni kredit aksiyası təqdim edir. Aksiya 8 mart 2015-ci il tarixinədək davam edir.

“DəmirBank” “Əmanət çeşidi” programı üzrə əhaliyə təklif edilən “Göy” və “Qırmızı” əmanət növlərinin illik faiz dərəcələrini artırıb. Belə ki, hazırda Göy əmanət üzrə illik faiz dərəcələri Azərbaycan valyutası ilə 13.5 %, ABŞ valyutası ilə isə 12.5% təşkil edir. Qırmızı əmanət növü üzrə də illik faiz dərəcələri artırılaraq Azərbaycan valyutası ilə 11 %, ABŞ valyutası ilə isə 10 % olub.

Müştərilərilərinə daim dəyər verən, onların tələbat və istəklərini nəzərə alan “Bank of Baku” vəsaitlərini etibarlı şəkildə qorumaq və əlavə gəlir əldə etmək istəyən şəxslər üçün “Xalis əmanət” adlı yeni məhsulunu təqdim edir. Xalis əmanət üzrə vəsaitləri istər ABŞ dolları, istərsə də AZN-də 12, 18 və 24 aya yerləşdirmək mümkündür.