ExpressPay ödəniş terminallarına www.besmart.az üzrə ödəmələr əlavə olunub. Artıq endirim kupunları almaq istəyən müştərilər ödənişlərini ExpressPay terminalları vasitəsilə həyata keçirə bilərlər. Bunun üçün terminalın “Digər ödənişlər” bölməsinə daxil olmaq zəruridir.
“Qiymətsiz üstünlüklər” kampaniyası çərçivəsində “DəmirBank”ın “MasterCard” plastik kartları ilə Bakıda ən yaxşı mağazaların və restoranların daxil olduğu 81 tərəfdaş alış-veriş nöqtələrinə 10% endirim əldə etmək mümkündür. Bununla yanaşı, “MasterCard” ilə alış-veriş edənlər Nyu-Yorka 5 günlük səyahət, 1000 manat dəyərində alış-veriş sertifikatı və 8 ədəd İphone 6 mobil telefon kimi dəyərli hədiyyələr qazanmaq şansına sahib olacaqlar.
“DəmirBank” “Contact” sistemi ilə təcili pul köçürmə xidmətlərini yenidən bərpa edib. Bu sistem vasitəsilə dünyanın 80-dan çox ölkəsinə təcili pul köçürmə mümkündür. Köçürmələr manat, ABŞ dolları, avro və ya rus rublu ilə aparıla bilər.
Rabitəbank ASC, 26 İyun – Azərbaycan Respublikası Silahlı Qüvvələr Günü münasibətilə Silahlı Qüvvələrin bütün əməkdaşlarını təbrik edir və onlara özəl aksiyaya start verir.
22 iyun – 03 iyul 2015-ci il tarixlərini əhatə edən bu aksiyanın şərtlərinə əsasən Rabitəbank-a Nağd Pul krediti üçün müraciət edən Silahlı Qüvvələrin bütün əməkdaşları komissiya xərclərindən azad edilir.
Unibank Dövlət qulluqçularının peşə bayramı və Silahlı qüvvələr günü ilə əlaqədar olaraq xüsusi kampaniya keçirir. İyunun 24-dən iyulun 1-dək davam edən kampaniya çərçivəsində dövlət qulluqçuları və Silahlı qüvvələrin əməkdaşları Unibank filiallarına müraciət edərək, komissiyasız nağd kredit əldə edə biləcəklər. Bu xüsusi aksiya həm manat, həm də dollar kreditlərinə şamil olunur. Komissiyasız və sərfəli nağd kreditin şərtlərindən Silahlı Qüvvələrinin bütün zabit və gizirləri, həmçinin 70-dən çox nazirlik, dövlət komitələri və digər dövlət orqanlarının əməkdaşları faydalana bilər.
AFFA tərəfindən keçirilən Futzal üzrə 2014 - 2015-ci il mövsümü Azərbaycan birinciliyinin (2-ci dəstə) turniri 21 iyunda başa çatmışdır. Bu yarışmada iştirak edən komandalar sırasında “Bank BTB” komandası da yer almışdır.
Alternativ Xidmət Kanallarının inkişafına önəm verən Yapı Kredi Bank Azərbaycan daha bir yenilik etmişdir. Artıq Yapı Kredi Bank Azərbaycana kredit və Worldcard ödənişi etmək istəyənlər Azərbaycanın 3000-dən çox nöqtəsində yerləşən Milli Ön ödəmə terminallarından istifadə edə bilərlər. Ödəmələr 3 valyutada- AZN, USD və EUR olaraq qəbul olunur. Worldcard ödəməsi üçün kart nömrəsi və şəxsiyyət vəsiqəsinin PIN kodunu, Kredit ödəməsi üçün isə hesab nömrəsi və şəxsiyyət vəsiqəsinin PIN kodunu daxil etmək kifayətdir.
“DəmirBank” təqdim etdiyi “DəmirTaksit” kredit kartı üzrə manatla kreditlərin verilişini davam etdirir. Belə ki, manatla kredit əldə etmək istəyən müştərilər Bank-ın istənilən filialına yaxınlaşaraq “DəmirTaksit” kartından yararlana bilərlər.
Xəbər verdiyimiz kimi, Expressbank 1 iyun – Uşaqların Beynəlxalq Müdafiəsi Günü münasibətilə Instagram və Facebook istifadəçiləri arasında “Gül, Balam” adlı fotomüsabiqə keçirib. Müsabiqənin ilk 3 qalibinə müvafiq olaraq Visa Platinum + 300 AZN, Visa Gold + 200 AZN və Visa Classic + 100 AZN təqdim olunub.
Yay tətilini çox rahatlıqla dünya səyahətinə həsr edə bilərsiniz. Əgər yanınızda düzgün seçim etdiyiniz bank məhsulu, xidmətinizdə dayanan etibarlı bankınız varsa, dünya turunuz əla keçəcək deməkdir. Dünyanın ən ucqar ölkəsində səyahətdəsiniz və Unibank-a zəng etmək istəyirsiniz. Artıq cəmi bir neçə dəqiqə ərzində və pul xərcləmədən bankın məhsul və xidmətləri haqqında istədiyiniz məlumatı ala bilərsiniz.
