Azərbaycanda fəaliyyət göstərən 30 bankdan 28-nin bu ilin yanvar-sentyabr aylarındakı qeyri-faiz xərcləri qeyri-faiz gəlirlərini üstələyib.

Hamımız yoxlama siyahılarının (check list) nə olduğunu bilirik, ancaq gündəlik iş həyatımızda demək olar ki, istifadə etmirik. Yoxlama siyahıları tez bir zamanda tapşırıqların yerinə yetirməyimizdə, effektiv idarəetmədə yardımçı ola bilər. Qabaqdan Yeni il gəlir və 2019-cu ildə yerinə yetirmək istədiyimiz planları yoxlama siyahıları ilə daha effektiv idarə edə bilərik.

Azərbaycan iqtisadiyyatının qeyri-neft sektorunun, xüsusilə turizm və iaşə/yerləşdirmə sahəsinin inkişafına töhfə verməklə ölkənin aparıcı korporativ bankı PAŞA Bank xarici valyutada pul axınlarının cəlb edilməsi istiqamətində yerli bazar üçün yeni bir alətin tətbiqinə başlayıb. 2018-ci ilin dekabr ayından etibarən PAŞA Bank ölkədə ilk dəfə olaraq milli valyutanın xarici bazarlarda satışına başlayıb.

Brent nefti, maliyyə bazarlarındakı qarışıqlıq və təklif narahatlıqları ilə 2017-ci ilin İyul ayından bu yana ilk dəfə 50 dollardan aşağı düşüb. 

Qlobal maliyyə bazarlarda qeyri-müəyyənlik hakimdir, səhmlər ucuzlaşır. Digər tərəfdən, ABŞ-da yüksək səviyyələrdəki istehsalın OPEC + koalisiyasının hasilatı azaltmasını faydasız edəcəyi də gözlənilir. 

Nağdlaşdırmaya tətbiq edilən 1% vergi effekt vermir. Nağd vəsaitin çıxarılması daha da artıb.

1% verginin nağdsız ödənişlərə təkən verməməsinə baxmayaraq Vergilər Nazirliyi bu vergini ləğv etmək niyyətində deyil.

Bu gün “Azərbaycan Beynəlxalq Bankı”nın Müşahidə Şurasının toplantısı keçirilib. 

Toplantıda Abbas Məmmədəli oğlu İbrahimov ABB-nin İdarə Heyətinin sədri vəzifəsinə təyin edilməsi barədə qərar qəbul olunub.

Dekabrın 25-də “Azərbaycan Beynəlxalq Bankı” ASC-nin Müşahidə Şurasının iclası olub. İclasda Bankın Baş direktoru Vasif Əhmədov İdarə Heyətinə üzv seçilərək İdarə Heyəti sədrinin müavini vəzifəsinə təyin edilib. Müşahidə Şurası Bankın cari il üzrə maliyyə göstəricilərinə baxıb, 2019-cu il üzrə büdcə layihəsini müzakirə edib və Şuranın səlahiyyətlərinə aid olan bir sıra kredit müraciətlərinə dair qərarlar verib.  

Dekabrın 25-də “Azərbaycan Beynəlxalq Bankı” ASC-nin Səhmdarlarının Ümumi Yığıncağı keçirilib. Yığıncaqda Bankın İdarə Heyəti sədrinin təyinatı məsələsinə baxılıb. 2018-ci ilin martından bu vəzifəni  müvəqqəti icra edən Abbas İbrahimov Azərbaycan Beynəlxalq Bankının İdarə Heyətinin sədri vəzifəsinə təyin olunub.  

Azərbaycan vergi qanunvericiliyində vergidən yayınmanın qarşısının alınması ilə bağlı “vergi xəbərçiliyi” nəzərdə tutulub. Amma bununla bağlı qanunda mükafatlandırma mexanizmləri yoxdur.

Vergilər Nazirliyinin Vergi Siyasəti Departamentinin baş direktoru Samirə Musayevanın sözlərinə görə, vergidən yayınma halları ilə bağlı hazırda da nazirliyə məlumatlar daxil olur.

Dünya bazarlarında neftin qiyməti bir qədər də ucuzlaşıb. Belə ki, hazırda London birjasında Brent markalı neftin 1 barelinin qiyməti 47,2 dollara qədər geriləyib.