Avro Bölgəsindəki bank və kredit təşkilatlarının çətin vəziyyətlərdən xilas edilməsi və ya ləğvi üçün yaradılmış fondun (Yeganə Həll Fondu -SRF) ümumi həcmi 33 milyard avroya çatıb.
Fonda, 2019-cu ili üçün 7,8 milyard avro inyeksiya edilb və bu vəsaitlə fondun ümumi həcmi 33 milyard avroya çatıb.
2019-cu ilin yanvar-iyun aylarında Azərbaycanın sement zavodları tərəfindən 1 milyon 608 min ton sement istehsal edilmişdir. Bu, əvvəlki ilin müvafiq dövrünə nisbətən 5,2% azdır.
Bu il 6 ayda betondan yığma tikinti konstruksiyalarının istehsalı 45,6 faiz, tikinti gipsinin istehsalı 81,7 faiz azalmışdır.
2019-cu ilin II rübündə SOCAR öz imkanları hesabına müstəqil olaraq 1,9 milyon tondan çox neft, 1,7 milyard kubmetrə yaxın qaz hasil edərək, hasilat səviyyəsini əvvəlki ilin müvafiq dövrünə nisbətən sabit saxlamağa nail olmuşdur. Bu, SOCAR-ın yaydığı məlumatda bildirilir.
Fransanın ən zəngin adamı, “Louis Vuitton Moet Hennessy” (LVMH) moda evinin sahibi, varidatı 108 milyard dollaradək artan Bernar Arno “Bloomberg Billionaire İndex”in siyahısında ikinci yerə yüksəlib, 107 milyard dollarlıq varidatın sahibi, “Microsoft İnc.” sahibi və təsisçisi Bill Qeytsi isə üçüncü yerlə qərarlaşıb.
"Azərbaycan özəl sektoru Rusiyanın aqrar ənənəsini yaşadan Saratov vilayəti ilə səmərəli əməkdaşlığın imkanlarını dəyərləndirməyə hazırdır".
Avqustun 16-da “Turan Bank” ASC-nin səhmdarlarının növbədənkənar ümumi yığıncağı keçiriləcək.
Yığıncaq saat 15:00-da Bakı şəhəri, Yasamal rayonu, İsmayıl bəy Qutqaşınlı küçəsi, 85 ünvanında olacaq.
"Numbeo" servisi 2019-cu ilin ilk yarısı üzrə dünyanın ən təhlükəsiz ölkələrinin və şəhərlərinin reytinqini dərc edib.
Xidmətin ekspertləri dünyanın 123 ölkəsində və 328 şəhərindəki cinayətkarlıq səviyyəsini təhlil ediblər.
Dünyanın aparıcı kriptovalyutası sayılan bitkoinin qiyməti son 24 saat ərzində, təxminən, 11% azalaraq 10 min ABŞ dollarından aşağı düşüb.
Hazırda rəqəmsal valyuta 9 500 - 9 600 dollar arasında realizə edilir.
Bu ilin yanvar-iyun ayları ərzində Azərbaycanın magistral neft kəmərləri ilə 19,744 mln. ton neft nəql edilib.
Magistral neft kəmərləri ilə nəqletmənin həcmi ötən ilin müvafiq dövründən 2,9% az olub.
“Azərbaycan Sənaye Bankı” ASC 2019-cu ilin 1-ci yarısını 5 milyon 152 min manat xalis mənfəət ilə başa vurub. Ötən ilin 1-ci yarısı ilə müqayisədə Bankın xalis mənfəəti 2,2 dəfə artıb. Belə ki, 2018-ci ilin 1-ci yarısını “Azərbaycan Sənaye Bankı” 2 milyon 332 min manat xalis mənfəət ilə başa vurmuşdu.
