Çinin 500 böyük şirkəti açıqlanıb. Siyahıda ilk üç yeri "Sinopec", "China National Petroleum" və "State Grid" tutub. 76 sektordan şirkətlərin yer aldığı siyahıdakı 500 şirkətin böyüklüyü 3.5 trilyon dollar artaraq 41.9 trilyon dollara çatıb. Ümumi dövriyyə isə 11.14 faiz artaraq 11 trilyon dollar olub.
Azərbaycanın milli aviadaşıyıcısı və Çinin aparıcı turizm şirkəti “HCG International Travel Group” Bakı-Pekin-Bakı marşrutu üzrə çarter sərnişin reyslərinin yerinə yetirilməsinə dair üçillik müqavilə imzalayıb.
Sənəd AZAL sərnişin aviaşirkətinin direktoru Cəmil Mənizadə və “HCG International Travel Group”un direktoru He Yong tərəfindən imzalanıb.
Azərbaycan Dövlət Neft Şirkəti (SOCAR) prezidentinin əmri ilə şirkət üzrə bütün əməkdaşların əmək haqqı 20% artırılıb.
Bu barədə SOCAR-dan məlumat verilib.
"Prezident İlham Əliyevin müvafiq sərəncamları ilə sentyabr ayının birindən minimum aylıq əməkhaqqı 180 manatdan 250 manata çatdırıldı, dövlət qulluqçularının aylıq vəzifə maaşları 50 faiz, hərbi və hüquq-mühafizə orqanlarının xüsusi rütbəli əməkdaşlarının və mülki işçilərinin əmək haqları 40 faiz, dövlət ümumi təhsil və peşə təhsili müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin vahid aylıq vəzifə maaşları orta hesabla 20 faiz, d
“Expressbank” ASC-nin İdarə Heyətinin tərkibində dəyişiklik edilib. Belə ki, Bankın İdarə Heyətinin sədri İlham Həbibullayev öz istəyi ilə vəzifəsindən ayrılmışdır. “Expressbank”ın Müşahidə Şurasının qərarına əsasən Bankın İdarə Heyəti sədrinin səlahiyyətləri İdarə Heyəti sədrinin müavini Mehman Məmmədova həvalə olunmuşdur.
İqtisadi İslahatların Təhlili və Kommunikasiya Məskəzinin hazırladığı “İxrac icmalı”nın avqust sayında qeyri-neft sektoru üzrə əsas ixracatçı şirkətlərin reytinqi açıqlanıb. Bu ilin yanvar-iyul ayları üzrə hazırlanan qeyri-dövlət ixracatçı subyektlərin reytinqində ilk yerdə “Socar Polymer” MMC durur. Şirkət ilk 7 ayda 51,2 milyon ABŞ dolları həcmində məhsul ixrac edib.
"PAŞA Development" MMC avqustda Türkiyədəki törəməsinin ("PD Turizm və Gayrimankul") nizamnamə kapitalını 20 milyon türk lirəsi artırıb. Bu barədə Türkiyə şirkətlərinin reyestrində deyilir.
Bu ilin ilk yarısında şərabçılıq məhsullarının və digər spirtli içkilərinin istehsalçıları ixracdan 15 milyon dollardan çox gəlir əldə edib, bu da 2018-ci ilin analoji dövründən 2,2 dəfə çoxdur.
Bu barədə Dövlət Gömrük Komitəsinin məlumatında deyilir.
2018-ci ildə istehsal həcminin azalması və ixracın artması səbəbindən Azərbaycanda pomidor istehlakı 4,9% azalıb.
Bu barədə 2018-ci il üçün İstehlak balansında deyilir.
Əmlak Məsələləri Dövlət Komitəsi dövlət əmlaklarının özəlləşdirilməsinə qoşulmaq istəyən şəxslər üçün növbəti iştirak imkanı yaradıb. Oktyabrın 1-də baş tutacaq hərraca ümumilikdə 27 dövlət əmlakı çıxarılıb. Onlardan 22-si səhmdar cəmiyyəti, 5-i nəqliyyat vasitəsi və müxtəlif çeşidli avadanlıqlardır.
