İqtisadi İslahatların Təhlili və Kommunikasiya Məskəzinin hazırladığı “İxrac icmalı”nın avqust sayında qeyri-neft sektoru üzrə əsas ixracatçı şirkətlərin reytinqi açıqlanıb. Bu ilin yanvar-iyul ayları üzrə hazırlanan qeyri-dövlət ixracatçı subyektlərin reytinqində ilk yerdə “Socar Polymer” MMC durur. Şirkət ilk 7 ayda 51,2 milyon ABŞ dolları həcmində məhsul ixrac edib.
"PAŞA Development" MMC avqustda Türkiyədəki törəməsinin ("PD Turizm və Gayrimankul") nizamnamə kapitalını 20 milyon türk lirəsi artırıb. Bu barədə Türkiyə şirkətlərinin reyestrində deyilir.
Bu ilin ilk yarısında şərabçılıq məhsullarının və digər spirtli içkilərinin istehsalçıları ixracdan 15 milyon dollardan çox gəlir əldə edib, bu da 2018-ci ilin analoji dövründən 2,2 dəfə çoxdur.
Bu barədə Dövlət Gömrük Komitəsinin məlumatında deyilir.
2018-ci ildə istehsal həcminin azalması və ixracın artması səbəbindən Azərbaycanda pomidor istehlakı 4,9% azalıb.
Bu barədə 2018-ci il üçün İstehlak balansında deyilir.
Əmlak Məsələləri Dövlət Komitəsi dövlət əmlaklarının özəlləşdirilməsinə qoşulmaq istəyən şəxslər üçün növbəti iştirak imkanı yaradıb. Oktyabrın 1-də baş tutacaq hərraca ümumilikdə 27 dövlət əmlakı çıxarılıb. Onlardan 22-si səhmdar cəmiyyəti, 5-i nəqliyyat vasitəsi və müxtəlif çeşidli avadanlıqlardır.
Azərbaycan Mərkəzi Bankının (AMB) valyuta ehtiyatları bu il sentyabrın 1-nə 6 004,3 milyon ABŞ dolları təşkil edib.
Bu, avqustun 1-i ilə müqayisədə 0,7% çoxdur.
Azərbaycanda pul bazası bu il sentyabrın 1-nə 10 157,6 milyon manat təşkil edib.
Bu, avqustun 1-i ilə müqayisədə 3,95% azdır.
İlin əvvəlinə nisbətən pul bazası 6,4%, son 1 ildə isə 22,1% artıb.
Bu ilin ilk yeddi ayında Azərbaycanda banklar tərəfindən əhaliyə satılan nağd ABŞ dolları kütləsinin həcmi 1.364.379,3 min dollar təşkil edib ki, bu da 2018-ci ilin müvafiq dövrünə nisbətən 243.526,2 min dollar və ya 15,1 faiz azdır. Mərkəzi Bankdan verilən məlumata görə, buna baxmayaraq, cari ilin iyul ayında ölkə əhalisi tərəfindən 238.970,5 min dollar alınıb.
Youtube azyaşlı istifadəçilərə uyğun olmayan videolar göstərdiyinə dair tənqidlərdən sonra uşaqlar üçün xüsusi yeni versiyasının yaradılacağını elan edib.
Google-a aid video paylaşma platforması olan Youtube 2015 – ci ildə buraxdığı uşaqlar üçün mobil tətbiq olan Kids App – in onlayn versiyasını da açacaq.
AFB Bank İT İnfrastruktur Strukturuna Baş Mütəxəssis vəzifəsinə vakansiya elan edir.
