Çinin “Xiaomi” şirkətinin yaxın gələcək üçün planları məlum olub. Bu barədə tanınmış şəbəkə informatoru İşan Aqarval (Ishan Agarwal) Twitter sosial şəbəkəsində məlumat verib.
“Xiaomi”, tezliklə Çində öz noutbuk xətti üçün bir neçə yeniləmə etməyi planlaşdırır. “Mi Notebook” modeli qızıl korpusda çıxacaq, “Notebook Air” isə texniki xarakteristikaların yenilənməsini alacaq.
Yeni televiziyalar da gözlənilir, onlardan ikisi “Mi TV E32C” və “Mi TV E40A” model nömrələrinə malikdir. Qeyd edək ki, “Xiaomi” televizorları müxtəlif bazarlarda uğur qazanıb.
Aqarval smartfonlar arasında gələcək yeniliklər barədə şayiələri də təsdiqləyib. Modanı təqib edən gənclərə yönəlmiş “Xiaomi CC” dizayn seriyası gözlənilir. Onlardan biri “Meitu” şirkəti ilə birgə təqdim olunacaq.
Ted.az
