Müəllif: Tamara Mustafayeva, Banco.az
Yenin bahalaşması müdaxilə gözləntilərini artırıb.
Banco.az xəbər verir ki, Yaponiya valyutası yen ABŞ dolları qarşısında 1,2 faizədək bahalaşaraq 158,22 səviyyəsinə yüksəlib. Bu hərəkət bazar iştirakçılarının Yaponiya rəsmilərinin valyuta bazarına müdaxilə etdiyinə dair mümkün siqnalları yaxından izləməsinə səbəb olub.
Yen ticarət sessiyasının əvvəlində Yaponiya Mərkəzi Bankının ən sərt mövqeli üzvlərindən biri olan İdarə Heyətinin üzvü Hajime Takatanın faiz dərəcələrinin ardıcıl artırılması ehtimalına işarə etməsindən sonra da dəyər qazanmışdı.
Tokio və Vaşinqton yenin dəstəklənməsi məqsədilə onilliklər ərzində görünməmiş miqyasda birgə hərəkət edərək valyutanın ucuzlaşmasına mərc edənlər üçün riskləri artırıb. 1998-ci ildən bəri ilk dəfə əlaqələndirilmiş şəkildə yen alışının həyata keçirilməsi valyutanın 5 faiz bahalaşmasına səbəb olub. Hər iki hökumət zərurət yaranacağı təqdirdə əlavə birgə addımlar ata biləcəklərinə işarə edib.
Bizi sosial şəbəkələrdən izləyin!!
