Müəllif: Tamara Mustafayeva, Banco.az
Çin Mərkəzi Bankından yumşaq pul siyasətinə keçid istiqamətində yeni addım.
Banco.az xəbər verir ki, Çin Mərkəzi Bankı (PBOC) gecəlik əks repo faizinin mövcud yeddi günlük faiz dərəcəsini əvəz edərək yeni əsas pul siyasəti göstəricisinə çevrilə biləcəyinə işarə edib.
Bu addım bankın qlobal həmkarlarının siyasətinə daha da yaxınlaşmasına və borclanma xərclərinin azalmasına şərait yarada bilər.
PBOC-yə bağlı qəzetin məlumatına görə, bankın rəhbəri Pan Qonqşen bazar ertəsi Pekində keçirilən Maliyyə Küçəsi Forumunda çıxışı zamanı mərkəzi bankın açıq bazar əməliyyatlarında əsas müddətin münasib vaxtda gecəlik müddətə keçirilməsi imkanını nəzərdən keçirəcəyini bildirib.
“Financial News” qəzetinin məlumatına görə, Pan bu dəyişiklik həyata keçirildiyi təqdirdə gecəlik əks repo faizinin bankın əsas pul siyasəti alətinə çevriləcəyini qeyd edib.
Bizi sosial şəbəkələrdən izləyin!!
