ABŞ Dövlət Departamenti Əfqanıstan pasportu ilə səyahət edən şəxslərə viza verilməsini dərhal dayandırdığını açıqlayıb.

Banco.az xəbər verir ki, qərar Nazirliyin "X" hesabından yayılan rəsmi bəyanatda bildirilib.

“Departament ABŞ-ın milli və ictimai təhlükəsizliyini qorumaq üçün bütün lazımi tədbirləri görür”, – deyə açıqlamada vurğulanıb.

Məlumata görə, viza məhdudiyyətinin tətbiq edilməsi iki Milli Qvardiya üzvünün Vaşinqtonda, Ağ Evə yaxın ərazidə güllələnməsi hadisəsindən sonra baş verib.

ABŞ Müdafiə naziri Pit Hegseth Dominikan Respublikasına səfəri zamanı açıqlama verərək bildirib ki, hücumdan sonra prezident Donald Trampın göstərişi ilə Vaşinqtona əlavə 500 Milli Qvardiya əsgəri göndəriləcək.