Müəllif - Fərid İslamov- Banco.az

 American Airlines Group üçüncü rübdə xalis zərərini 23,5% azaldıb və rekord gəlir əldə edib, həmçinin şirkətin düzəldilmiş zərəri və gəliri bazar gözləntilərini üstələyib.

Şirkətin mətbuat relizinə görə, iyul-sentyabr aylarında xalis zərər 114 mln dollar, yaxud hər səhm üçün 0,17 dollar təşkil edib, bu isə ötən ilin eyni dövründəki 149 mln dollar zərər, yaxud hər səhm üçün 0,23 dollar ilə müqayisədə azdır. Düzəldilmiş zərər də hər səhm üçün 0,17 dollar olub.

American Airlines-ın gəliri 0,3% artaraq rekord səviyyədə 13,69 mlrd dollar olub.

FactSet-in sorğuladığı analitiklərin orta gözləntisi hər səhm üçün düzəldilmiş zərərin 0,28 dollar, gəlirin isə 13,63 mlrd dollar olması idi.

American Airlines-ın uçuş doluluq göstəricisi üçüncü rübdə 85,6% təşkil edib, bu ötən ilin iyul-sentyabr ayları ilə müqayisədə 86,1% idi.

Şirkət proqnozlaşdırır ki, dördüncü rübdə düzəldilmiş gəliri hər səhm üçün 0,45-0,75 dollar, 2025-ci il üzrə isə 0,65-0,95 dollar olacaq. Əvvəlki 2025-ci il proqnozu hər səhm üçün 0,2 dollar zərərdən 0,8 dollar gəlirə qədər aralığı nəzərdə tuturdu. Analitiklər dördüncü rübdə və ilin yekununda düzəldilmiş gəliri hər səhm üçün müvafiq olaraq 0,3 və 0,42 dollar səviyyəsində qiymətləndirirlər.