Müəllif: Tamara Mustafayeva, Banco.az
BVF Türkiyə üçün artım proqnozunu yüksəldib.
Banco.az xəbər verir ki, Beynəlxalq Valyuta Fondu (BVF) Türkiyə üçün 2025 və 2026-cı illərə dair ÜDM artım proqnozlarını yuxarı istiqamətdə yeniləyib.
BVF Vaşinqtonda bu gün başlayan BVF-Dünya Bankı payız dövrü iclasları çərçivəsində “2025-ci il Payız Qlobal İqtisadi Perspektivlər Hesabatı”nın yenilənmiş versiyasını da yayımlayıb.
Hesabatda Türkiyə üçün 2025-ci il üzrə iqtisadi artım proqnozu iyul ayında yayımlanan “2025-ci il Qlobal İqtisadi Perspektivlər Hesabatının Yenilənməsi”ndəki 3 faizdən 3,5 faizə qaldırılıb.
BVF həmçinin 2026-cı il üçün ÜDM artım proqnozunu 3,3 faizdən 3,7 faizə yüksəldib.
BVF Türkiyədə 2024-cü ildə 58,5 faiz səviyyəsində olan illik orta inflyasiyanın 2025-ci ildə 34,9 faizə, 2026-cı ildə isə 24,7 faizə enəcəyini proqnozlaşdırıb.
Təşkilat 2025 və 2026-cı illər üçün işsizlik səviyyəsini də 8,3 faiz olaraq qiymətləndirib.
Bizi sosial şəbəkələrdən izləyin!!
