ABŞ prezidenti Donald Tramp “Air Force One” təyyarəsində cari məsələlərlə bağlı mətbuat mənsublarının suallarını cavablandırıb.
Banco.az xəbər verir ki, Ağ ev rəhbəri bildirib ki, Çin bizə əhəmiyyətli bir şey verməsə, biz tarifləri aşağı salmayacağıq.
Keçmiş prezident Bayden dövründə gündə 5 milyard dollar itirdiklərini və bu rəqəmi aşağı saldığını bildirən Tramp, bu itkinin tezliklə geri alınacağını, lakin hələ gedəcək bir yol olduğunu qeyd edib.
İkitərəfli gömrük rüsumlarının yeni təxirə salınmasının çətin olduğunu ifadə edən Tramp, razılaşacaqlarını, razılaşma olmadığı təqdirdə tarifləri məqbul şəkildə təyin edəcəklərini bildirib.
Bazarların tariflərə uyğunlaşması ilə bağlı suala Tramp belə cavab verib: "Keçid dövrü olacağını söylədik. İnsanlar bunu anlamırdılar, indi anlamağa başlayıblar".
Bazarlarda insayder ticarətinin olub-olmaması ilə bağlı suala cavab olaraq Tramp deyib ki, özü üçün öhdəlik götürə bilər, lakin minlərlə insan onun üçün çalışır.
Tramp kiminsə bunu edə biləcəyini düşünmədiyini qeyd edib.
