Müəllif: Tamara Mustafayeva, Banco.az
“HSBC” geosiyasi riskləri əsas gətirərək qızıl qiymətləri ilə bağlı proqnozunu artırıb.
Banco.az xəbər verir ki, Böyük Britaniyanın beynəlxalq investisiya bankı “HSBC” tərəfindən yayımlanan son hesabatda 2025 və 2026-cı illərə dair orta qızıl qiyməti proqnozu müvafiq olaraq bir unsiya üçün 3.015 və 2.915 ABŞ dollarına qədər artırılıb. Bankın əvvəlki proqnozları isə müvafiq olaraq 2.687 və 2.615 dollar səviyyəsində idi.
“HSBC”nin hesabatında bildirilir ki, Ukrayna müharibəsi, Yaxın Şərqdəki qarşıdurmalar kimi geosiyasi risklər, eləcə də ABŞ-ın xarici siyasətində baş verən dəyişikliklər və iqtisadi qeyri-müəyyənliklər qızılın qiymətinə yüksəliş təzyiqi göstərir.
Bank 2024 və 2025-ci illərdə mərkəzi bankların qızıl alımına davam edəcəyini proqnozlaşdırır. Bununla belə, “HSBC” xəbərdarlıq edir ki, bu alımlar 2022–2024-cü illərdəki pik səviyyələrin altına enə bilər, qiymət bir unsiya üçün 3.000 dolları keçərsə alışlar zəifləyə, təqribən 2.800 dolların altına düşərsə isə artım göstərə bilər.
Bundan əlavə, “HSBC” 2025-ci ilin sonuna doğru ABŞ dollarının güclənməsinin, xüsusilə 2024-cü ildə gözlənilən, lakin həyata keçməmək ehtimalı olan faiz endirimi gözləntiləri fonunda qızılın gəlirlərini məhdudlaşdıra biləcəyini qeyd edir.
Bizi sosial şəbəkələrdən izləyin!!
