Müəllif:Ayşən İmanova/Banco.az
Əmək və Əhalinin Sosial Müdafiəsi Nazirliyi və Türkiyə həmkarlar ittifaqları minimum əmək haqqının 2025-ci ildən 30% artırılaraq 22 104 lirəyə (indiki məzənnə ilə 628 dollar) çatdırılması barədə razılığa gəliblər.
Banco.az xəbər verir ki, bu barədə qərar dekabrın əvvəlində mövzunun müzakirəsinə başlayan minimum əmək haqqının müəyyən edilməsi üzrə komissiyanın dünən keçirilən dördüncü iclası zamanı qəbul edilib.
Türkiyə prezidenti Rəcəb Tayyib Ərdoğan “X” sosial şəbəkəsində minimum əmək haqqının artırılması qərarını təsdiqləyib: "2025-ci ildə minimum əmək haqqı 30 faiz artımla xalis 22 min 104 türk lirəsi olacaq. Ölkəmizə və millətimizə xeyirli olsun".
