Müəlliif:Ayşən İmanova/Banco.az
Koreyanın “Hyundai” şirkəti ABŞ-də 145 min elektriklə işləyən avtomobili idarə edərkən mümkün enerji itkisi riskinə görə geri çağıracaq.
Banco.az xəbər verir ki, bu barədə “motor1.com” ABŞ Milli Avtomobil Yolları Hərəkətinin Təhlükəsizliyi İdarəsinə (NHTSA) istinadən məlumat yayıb.
Qeyd olunub ki, avtomobillərdə quraşdırılmış şarj etmənin idarəetmə blokunun zədələnməsi ilə bağlı problem aşkarlanıb. Bu qüsur 12 voltluq batareyanın doldurulmasının qəfil dayanmasına və güc qabiliyyətinin itirilməsinə səbəb ola bilər ki, bu da qəzalarla nəticələnmə riskini artırır.
Söhbət “IONIQ 5” və “IONIQ 6” modellərindən, həmçinin 2022-ci ildən 2025-ci ilə qədər buraxılan elektrikləşdirilmiş “Genesis GV60”, “GV70” və “G80” modellərindən gedir.
Zədələnmiş komponentlərin dəyişdirilməsi üzrə bütün işlər pulsuz həyata keçiriləcək.
