Müəllif: Tamara Mustafayeva, Banco.az
Avropanın ən böyük aktiv meneceri “Amundi” bəyan edib ki, avro gələn ay dollar qarşısında dəyər itirə bilər.
Banco.az xəbər verir ki, Donald Trampın ABŞ-dakı seçkilərdə qalib gəlməsindən sonra dolların bir müddət öz gücünü qoruyacağı proqnozlaşdırılsa da, avronun relaksasiyadan keçməsi ucuzlaşma istiqamətindəki gözləntiləri dəstələyir.
Avropanın ən böyük fondu “Amundi” də gələn ay avro və dolların eyni səviyyəyə çatacağını proqnozlaşdırıb.
Bu barədə “Amundi” Baş İnvestisiya Direktoru Vinsent Mortier jurnalistlərə açıqlamasında bildirib.
Onun sözlərinə görə, valyuta bazarındakı volatillik geri qayıdacaq. Hətta növbəti ay avro/dollar məzənnəsində 1 səviyyəsini görmək mümkün ola bilər.
Mortier avro/dollar məzənnəsinin 2025-ci ili 1,16 səviyyəsində bağlayacağını proqnozlaşdırıb.
Bizi sosial şəbəkələrdən izləyin!!
