Azərbaycan Mərkəzi Bankı (AMB) Türkiyənin "BMS Group Sigorta ve Reasürans Brokerliği" Anonim Şirkətini xarici sığortaçılar, təkrarsığortaçılar və sığorta brokerlərinin reyestrinə daxil edib.
Bu barədə AMB məlumat verir.
Məlumata görə, bununla da, Azərbaycanın sığorta bazarında fəaliyyət göstərən xarici brokerlərin sayı 93-ə çatıb.
Bundan əvvəl oktyabrda 4 xarici ölkəyə məxsus 5 şirkət sığorta brokerlərinin reyestrinə daxil edilmişdi.
Xatırladaq ki, "BMS Group Sigorta ve Reasürans Brokerliği" 2020-ci ildən sığorta və təkrarsığorta sahəsində fəaliyyət göstərir.
report
