Müəllif:Mehin Qasımova/Banco.az
Ən böyük kriptovalyuta olan Bitkoinin qiyməti son 24 saat ərzində 2,3 faizdən çox bahalaşıb.
Banco.az xarici mediaya istinadən xəbər verirki, 72 min 300 dolları keçən bitkoin bütün zamanların ən yüksək həddinə çatıb.
Mütəxəssislər Bitcoin-in 150 min dollar səviyyələrinə çata biləcəyini söyləyirlər.
Bitkoin niyə yüksəlir?
Dünyanın ən qiymətli kriptovalyutası yeni spot bitcoin mübadiləsi fondlarına daxil olan pullar və həmçinin ABŞ Federal Ehtiyat Sisteminin tezliklə faiz dərəcələrini azaldacağına ümidlər sayəsində güclənir.
London Fond Birjası Qrupunun (LSEG) məlumatlarına görə, ABŞ-ın ən yaxşı 10 spot bitkoin mübadiləsi fonduna kapital axınları 8 Martdan bir həftə ərzində iki həftənin ən aşağı səviyyəsinə düşüb, lakin yenə də demək olar ki, 2 milyard dollara çatıb.
Digər tərəfdən, ekspertlər hesab edirlər ki, London Fond Birjasının ikinci rübdə bitkoin və ethereum ETN-lər üçün müraciətləri qəbul etməyi planlaşdırdığına dair əvvəlki xəbərlər də bugünkü yüksəlişə kömək edib.
Bazar ekspertləri həftəyə yüksəlişlə başlayan Bitcoin-in digər kriptovalyutaları da yuxarı çəkdiyini qiymətləndirir.
Bununla belə, Bitcoin-in ümumi tədarükü 21 milyon ədədlə məhdudlaşır. Hər dörd ildən bir, yeni tədarükün dövriyyəyə girmə sürəti və kriptovalyuta mədənçilərinin mükafatı iki dəfə azalır. Qiyməti dəstəkləməyə meylli olan bu təcrübə səbəbindən aprel ayında təklifin azalması gözlənilir.
Bizi sosial şəbəkələrdən izləyin!!
