Müəllif:Mehin Qasımova/Banco.az
İnternet nəhəngi iki il ərzində aktiv olmayan milyonlarla Gmail hesabını silməyi planlaşdırır.
Banco.az xəbər verir ki, "Google" qeyri-aktiv Gmail hesab sahiblərinə üç həftəlik xəbərdarlıq göndərərək, qeydiyyatlarını yeniləməyi və ya hesablarını itirmək riskini bildirib.
Bu qərar hesab sahiblərinin e-poçtlarını, sənədlərini, fotolarını və videolarını həmişəlik itirməsinə səbəb ola bilər.
Google-un bu addımı 2023-cü ilin dekabrında qüvvəyə minəcək.
Google-un aktiv olmayan "Google" hesablarını silmə addımının təhlükəsizlik baxımından müsbət təsirləri olduğu bildirilir.
Onun aktiv "Google" istifadəçilərini fişinq, hesabın ələ keçirilməsi və fırıldaqçılıq kimi təhlükəsizlik təhdidlərindən qoruyacağı gözlənilir. Çünki qeyri-aktiv "Google" hesablarının hakerlər tərəfindən oğurlanması riski daha yüksəkdir. Təsirə məruz qalan qeyri-aktiv Gmail hesab sahiblərinə hər hansı bir tədbir görülməzdən əvvəl çoxsaylı bildirişlər göndəriləcək.
Qeyd edək ki, "Google" artıq təsirlənmiş hesablara e-poçt göndərməyə başlayıb. Hesablarının silinmə riski olan hesab sahibləri e-poçt açmaq və ya göndərmək, Google Diski açmaq və ya Google Play Store-dan proqram yükləməklə bunun qarşısını ala bilərlər.
Bizi sosial şəbəkələrdən izləyin!!
