Müəllif: Gülnar Əhmədli, Banco.az
ABŞ-ın Energetika Nazirliyi yanında Energetika İnformasiyası Administrasiyası (EIA) bu il üçün maye karbohidrogenlərin gündəlik qlobal hasilatı üzrə proqnozunu artırıb.
Banco.az EIA-nın aylıq hesabatına istinadən xəbər verir ki, 2023-cü ildə maye karbohidrogenlərin gündəlik istehsalı 101,3 mln. barel olacaq ki, bu, ötən proqnoz göstəricidən 0,2 mln. barel çoxdur.
Məlumata görə, gələn il maye karbohidrogenlərin gündəlik qlobal istehsalının ortalama hesabla 103 mln. barel olacağı ehtimal edilir.
Əlavə edək ki, ötən il maye karbohidrogenlərin gündəlik qlobal istehsalı ortalama 99,88 mln. barel səviyyəsində olub.
Bizi sosial şəbəkələrdən izləyin!!