Müəllif: Tamara Mustafayeva, Banco.az
Avstraliya proqnozlardan az artım göstərib.
Banco.az xəbər verir ki, Avstraliya Statistika Təşkilatının (ABS) təqdim etdiri məlumatlara görə, ölkə iqtisadiyyatı ilin birinci rübündə əvvəlki rübə nəzərən 0,2 faiz artıb. Bu, ölkənin ötən 18 ay ərzindən, yəni 2021-ci ilin sentyabrında pandemiya məhdudiyyətlərinin ləğv edildiyi dövrdən bəri üzləşdiyi ən yavaş artım tempidir.
Avstraliyanın birinci rübdə ÜDM-i illik isə 2,3 faiz artaraq analitiklərin gözləntilərindən bir qədər aşağı olub. Belə ki, analitiklər 2,4 faiz artım gözləyirdilər.
Qeyd edək ki, Avstraliya iqtisadiyyatı ölkədə qiymətlərin bahalılığı və yüksək faiz dərəcələri istehlak xərclərini azaltdığı üçün ilin birinci rübündə əvvəlki rübə nəzərən daha zəif artım göstərib.
Bizi sosial şəbəkələrdən izləyin!!
