Müəllif - Aida İsaq, Banco.az
Taxıl müqaviləsinin müddəti 60 gün uzadıla bilər.
Banco.az xəbər verir ki, məlumata görə, mayın 18-də başa çatacaq razılaşmaya Rusiya sonuncu dəfə imza ata bilər. Bununla yanaşı, qeyd olunur ki, Türkiyə prezidenti Rəcəb Tayyib Ərdoğan Rusiya prezidenti Vladimir Putinlə telefon danışığından sonra müddətin uzadılması qərarını açıqlaya bilər. Müvafiq danışığın bu gün və ya sabah olacağı gözlənilir.
Qeyd edək ki, ötən il iyulun 22-də Rusiya, Türkiyə, Ukrayna və BMT Qara dəniz vasitəsilə Ukraynadan kənd təsərrüfatı məhsullarının ixracı üçün dəhlizin yaradılması haqqında saziş imzalayıb.
Bizi sosial şəbəkələrdən izləyin!!
