"Ziraat Bank Azərbaycan" ASC-nin İdarə Heyətinə daha bir təyinat olub | Banco.az

"Ziraat Bank Azərbaycan" ASC-nin İdarə Heyətinə daha bir təyinat olub

21 illik bank təcrübəsinə malik olan Ahmet Kudret İşler 24 iyul 2020-ci il tarixindən etibarən "Ziraat Bank Azərbaycan" ASC-nin İdarə Heyətinin üzvü təyin edilmişdir.

 Qeyd edək ki, Ahmet Kudret İşler 2015-2016 illər arasında "Ziraat Bank Azərbaycan" ASC-də "Kreditlərin Təhlili Departamenti"-nin Direktoru vəzifəsində,  2016-cı ildən isə "Kreditlərin Təhlili və Monitorinqi Qrupu"-nun Direktoru vəzifəsində çalışır.

Bundan əlavə, Ahmet Kudret İşler 2017-ci ildən "Azərbaycan Kredit Bürosu"-nun Müşahidə Şurasının üzvüdür.

 Beləliklə də, "Ziraat Bank Azərbaycan" ASC-nin İdarə Heyəti aşağıdakı tərkibdə formalaşmışdır:

1.      Avni Demirci – İdarə Heyətinin sədri

2.      Ahmet Kudret İşler – İdarə Heyətinin üzvü

3.      Vüqar Əlipaşayev – İdarə Heyətinin üzvü

4.      Rövşən İbrahimov – İdarə Heyətinin üzvü

"Ziraat Bank Azərbaycan" ASC, "Azərbaycan Respublikası Mərkəzi Bankı" tərəfindən 30 dekabr 2014-cü il tarixində verilmiş 255 saylı lisenziya əsasında fəaliyyətə başlamışdır.

Bank üç səhmdardan ibarət olmaqla Açıq Səhmdar Cəmiyyəti formasında təsis edilmişdirBunlardan, 99.98% səs vermə hüququna malik səhmlərin sahibi T.C.Ziraat Bankası ASC, 0.01% səs vermə hüququna malik səhmlərin sahibi Ziraat Teknoloji ASC və 0.01% səs vermə hüququna malik səhmlərin sahibi Ziraat Yatırım Menkul Değerler ASC-dir.

Ən sərfəli kredit üçün müraciət et

Bizi sosial şəbəkələrdən izləyin!!

Facebook

Instagram

Telegram

Ən sərfəli krediti almaq üçün müraciət et