Müəllif:Mehin Qasımova,Banco.az

Çin yuanı Pekinin banklardan ABŞ Xəzinədarlıq istiqrazlarının alışını məhdudlaşdırmağı istəməsi barədə xəbərlərdən sonra ABŞ dollarına qarşı 2023-cü ilin may ayından bəri ən yüksək səviyyəyə yüksəlib.

Banco.az xəbər verir ki, bu səhər dollar/yuan məzənnəsi 6,9050 səviyyəsinədək geriləyib. Hazırda isə məzənnə dünənlə müqayisədə 0,10% azalaraq 6,9080 ətrafında ticarət olunur.

Yuan ilin əvvəlindən bəri ABŞ dollarına qarşı 1 faiz dəyər qazanıb. Sentyabr ayından bəri onun möhkəmlənməsi 3 faizə yaxınlaşır. Yuan ABŞ dollarına qarşı ən yaxşı göstərici göstərən Asiya valyutaları arasında üçüncü yerdədir.

 Analitiklər yuanın möhkəmlənməsini bir neçə amilin kombinasiyası ilə izah edirlər. Belə ki, Tramp administrasiyasının maliyyə və ticarət siyasəti ilə bağlı qeyri-müəyyənliklər dollara təzyiq göstərib. Eyni zamanda, Yaponiya yeninin və əmtəə ilə əlaqəli valyutaların kəskin bahalaşması dolların zəifləməsini sürətləndirib.

Bu proses fonunda investorlar Asiya valyutalarına marağı artırarkən, dollar qlobal bazarlarda təzyiq altında qalmaqda davam edir.