Ayın əvvəli olmasına baxmayaraq, banklarımız yeni kompaniyalara başlayıb. Həmçinin ötən ay başlayan kompaniyalardan bəzilərinin tətbiqi may ayının sonuna kimi davam edəcək.

Bu ay əksər banklarımız, pul köçürmələri edən müştərilərini sevindirməyi qərara alıblar. müxtəlif banklar hər pul köçürməsi üçün fərqli hədiyyələr təklif edir. Xalq Bank, Bank Standard və NBC Bankın elan etdiyi aksiyanın şərtlərinə görə təcili pul köçürmə sistemləri vasitəsilə pul köçürən və yaxud qəbul edən müştərilərin mobil telefonlarının balansına danışıq dəqiqələri hədiyyə olaraq yüklənəcək.

Bank Technique isə səyahəti sevən müştəriləri üçün sərfəli endirimlər təklif edir. Həmçinin Xalq Bank da öz müştərilərinə Nyu York səfəri hədiyyə edir.

Dəmir Bank və NBC Bank isə əmanət qoyuluşunu stimullaşdırmaq üçün daha sərfəli şərtlərlə çıxış edir.

İndi isə cari ay ərzində qüvvədə olacaq kampaniyaların siyahısını təqdim edirik.