"Yaşıl Kart" polisini 2016-cı ildən almaq mümkün olacaq | Banco.az

"Yaşıl Kart" polisini 2016-cı ildən almaq mümkün olacaq

Azərbaycan "Yaşıl Kart" sisteminə qoşulmaq üçün bir ay ərzində Birləşmiş Millətlər Təşkilatının Avropa İqtisadi Komissiyasına və "Yaşıl Kart" sisteminin idarəedici təşkilatı olan Bürolar Şurasına rəsmi müraciət edəcək.

Azərbaycan Prezidenti İlham Əliyev "İcbari sığortalar haqqında" qanuna dəyişikliklər edilməsi ilə bağlı müvafiq fərman imzalayıb.

Nazirlər Kabinetinə Maliyyə Nazirliyinin təklifləri əsasında rəsmi müraciəti hazırlamaq tapşırılıb.

Ən sərfəli kredit üçün müraciət et

Bundan başqa, avtonəqliyyat vasitəsi sahiblərinin mülki məsuliyyətinin icbari sığortası üzrə standart sığorta müqaviləsi çərçivəsində öhdəliklərin yerinə yetirilməsinə nəzarət Daxili İşlər Nazirliyi tərəfindən sərhəd sığorta müqaviləsi və "Yaşıl Kart" sistemi - Dövlət Gömrük Komitəsi çərçivəsində həyata keçiriləcək.

Azərbaycanda "Yaşıl Kart" sistemi üzrə müqavilələr 3, 6 və 12 ay müddətinə bağlanacaq. "İcbari sığorta növləri haqqında" qanuna "Yaşıl Kart" sisteminin tətbiqi ilə bağlı müddəalar 2016-cı il yanvarın 1-dən qüvvəyə minir.

trend.az

Ən sərfəli krediti almaq üçün müraciət et