Müəllif:Mehin Qasımova/Banco.az
Yaponiyada inflyasiya son 41 ilin ən yüksək səviyyəsinə çatıb.
Banco.az xəbər verir ki, bu barədə Yaponiya İnzibati İşlər və Rabitə Nazirliyi məlumat yayıb.
2023-cü ildə Yaponiyada əsas istehlak inflyasiyası 3,1% təşkil edib. 2022-ci ildə isə inflyasiya 2,3% təşkil edib.
Bu, 1982-ci ilin martından bəri qeydə alınan ən yüksək göstəricidir. Ölkədə qiymət artımının əsas göstəricisi yanacağın maya dəyərini əhatə edir, lakin tez xarab olan malların qiymətləri nəzərə alınmır, çünki onlar həddindən artıq dalğalanmalara məruz qalırlar.
Yaponiyada inflyasiyanın əsas səbəbləri enerji və ərzaq qiymətlərinin artması, eləcə də milli valyutanın zəifləməsinin davam etməsidir. Yenin zəifləməsinə Yaponiya Bankının 2%-lik sabit inflyasiyaya nail olmaq və bazarı stimullaşdırmaq üçün uçot dərəcəsini mahiyyət etibarı ilə mənfi səviyyədə saxlayan güzəştli pul siyasəti səbəb olur. İnflyasiya ilə mübarizə aparmaq üçün onları qaldıran Qərb ölkələri ilə faiz dərəcələrindəki uçurum səbəbindən dollar alətlərinə investisiyalar gəlirli olur və bu, yenanı zəiflədir.
Bizi sosial şəbəkələrdən izləyin!!
