"Xiaomi" ilk elektrik avtomobilini təqdim etdi | Banco.az

"Xiaomi" ilk elektrik avtomobilini təqdim etdi

Müəllif:Mehin Qasımova/Banco.az

Çinin texnologiya şirkəti Xiaomi  Çindəki sərgi salonlarında ilk elektrikli avtomobili olan Xiaomi SU7-ni debüt etdi. 

Banco.az xarici mediaya istinadən xəbər verir ki, şirkətin məqsədi Porsche və Tesla ilə rəqabət aparacaq xəyal avtomobili yaratmaqdır. 

SU7 modelinin maksimal sürəti 265 km/saata çatır, elektromobil sıfırdan 100 km/saata 2,73 saniyəyə sürətlənir.100 km/saatdan tam dayanana qədər əyləc məsafəsi təxminən 33 metrdir. Yeni avtomobilin mühərrikinin gücü 673 at gücü, maksimal fırlanma anı isə 838 Nm-dir.

İşçi heyəti aydınlaşdırıb ki, parlaq, rasional sedanın aerodinamik müqavimət əmsalı 0,195-dir. Şirkət üç rəngdə avtomobillər təklif edir: boz, mavi və yaşıl. Elektromobil üçün 19 və 20 düym diametrli müxtəlif konstruksiyaya malik təkərlərin üç variantı hazırlanıb.SU7 satışlarına 2024-cü ildə başlanacağı gözlənilir. Avtomobilin qiyməti hələ ki, rəsmi olaraq açıqlanmayıb. Şirkətin təsisçisi Lei Junun sözlərinə görə, sedanın qiyməti 500 min yuandan (69 min dollar) aşağı olmalıdır.

Ən sərfəli kredit üçün müraciət et

Xiaomi-nin elektrik avtomobilləri istehsalına başlamaq niyyəti 2021-ci ilin martında açıqlanıb. 2023-cü ilin sentyabrında şirkət avtomobil zavodunun tikintisini başa çatdırdı.

Bizi sosial şəbəkələrdən izləyin!!

Facebook

Instagram

Telegram

Ən sərfəli krediti almaq üçün müraciət et