Elektron ticarətə ƏDV-nin tətbiqi insanları sərfəli yollar axtarmağa sövq edib. Bir çox insan almaq istədiyi məhsulu xaricə tanış və ya qohmuna pul göndərərək almaq fikrinə düşüb. Bəs bu sərfəlidirmi?

Banco.az hesabdan hesaba pul köçürmələri üçün ən sərfəli bankları araşdırıb.

Məlum olduğu kimi, tez-tez istifadə edilən bank xidmətlərindən biri də pul köçürmələridir.Pul köçürməsi əsasən iki yolla həyata keçirilir: təcili pulköçürmə sistemləri vasitəsilə və hesabdan hesaba köçürmə vasitəsilə.

Bax: Ən çox pul köçürmə sistemi olan 8 bank

Hesabdan hesaba nağdsız vəsaitlərin köçürülməsi isə əsasən SWIFT (Society for Worldwide Interbank Financial Telecommunications – Ümumdünya Banklararası Maliyyə Telekommunikasiya Cəmiyyəti) sistemi vasitəsilə həyata keçirilir. SWIFT dünyanın əksər ölkələrində geniş istifadə olunur və ən təhlükəsiz sistemlərdən biri kimi sayılır.

Bu köçürmə necə həyata keçir?

Bank bu əməliyyatı öz müxbir banklarının vasitəsilə həyata keçirir. Belə ki, siz,

1. Bankınıza yaxınlaşırsınız,
2. Pul göndərəcəyiniz şəxsin bank hesanın rekvizitlərini bankınıza təqdim edirsiniz
3. Bankınız köçürmə haqqında olan bu məlumatları öz müxbir bankına ötürür
4. Müxbir bank isə öz xidmət haqqı müqabilində ödənişi qısa zaman ərzində pulu alan tərəfin bankına çatdırır.

Məbləğ maksimum 3 iş günü ərzində hesaba köçürülür.

Bir şeyi nəzərə almalısınız ki, siz pul göndər köçürməni həyata keçirdiyiniz bank sizdən xidmət haqqı olaraq komisyon haqqı tutur. Cədvələ nəzər salsanız görəcəksiniz ki, tutulan fazilər aşağıdır, lakin minimal məbləğ kifayət qədər çox hesab edilə bilər. Belə ki, əgər siz 100 dollar köçürmək istəsəniz əlavə olaraq 20-30 dollar komisyon haqq ödəməli olacaqsınız. 

Maksimum nə qədər pul göndərmək olar?

Pul köçürmələri üzrə limitlər “Azərbaycan Respublikasında rezident və qeyri-rezidentlərin valyuta əməliyyatlarının rejimi haqqında” qaydalarla tənzimlənir.

Əgər pul köçürdüyünüz şəxs birinci dərəcəli qohum(ata, ana, həyat yoldaşı, baba, nənə, oğul, qız, qardaş, bacı, övladlığa götürülənlər deyilsə və xüsusi bir əsas yoxdursa, gün ərzində təyin olunan limit 1000 USD və ya ekvivalentidir. Əgər pul köçürdüyünüz şəxs birinci dərəcəli şəxsdirsə bu zaman mütləq qaydada qohumluğunuzu təsdiq edən sənədləri (misal üçün, nigah haqqında şəhadətnamə, doğum haqqında şəhadətnamə və s.) banka təqdim etməlisiz. Bu halda göndərəcəyiniz 1000 USD-dan çox ola bilər.

Lakin qeyd edək ki, istənilən halda pul köçürməsi üçün bir aylıq limit 10.000 Dolları keçməməlidir.

Aşağıdakı cədvəldə bank hesabı vasitəsilə ölkəxaricinə edilən köçürmələr üzrə tariflərlə tanış ola bilərsiniz. Qeyd edək ki, cədvəldə "hesabın açılması" sütununda xarici valyutada açılan hesabların tarifləri qeyd olunub.

SHA* tarif istifadə edildikdə köçürülən məbləğdən müxbir bank tərəfindən 5$-dan 50$-dək məbləğində komissiya tutulur. 0,15% (min 10$ max 150$)