Müəllif: Aida İsaqova, Banco.az
“Volkswagen” şirkəti Rusiyadakı aktivlərini satıb.
Banco.az xəbər verir ki, alman avtomobil istehsalçısı “Volkswagen”dən verilən açıqlamada şirkətin Rusiyadakı aktivlərinin “Avilon” adlı rus şirkətinə satışının tamamlandığı bildirilib.
Açıqlamada həmçinin şirkətin Kaluqadakı istehsalat fabrikinin də müqavilə çərçivəsində satıldığı və müqavilənin Rusiya səlahiyyətliləri tərəfindən də təsdiqləndiyi qeyd olunub.
Rus mətbuatı sözügedən razılaşmanın 125 milyon avro dəyərində olduğunu bildirib.
Xatırladaq ki, daha əvvəl “Mercedes”, “Renault” və “Nissan” şirkətlərinin aktivləri də Rusiya hökumətinə satılmışdı.
Bizi sosial şəbəkələrdən izləyin!!