Müəllif: Tamara Mustafayeva, Banco.az
Türkiyənin 12 aylıq xarici ticarət kəsiri 110 milyard dollara çatıb.
Banco.az xəbər verir ki, Türkiyə Statistika Təşkilatı (TÜİK) avqust ayı üzrə xarici ticarət məlumatlarını açıqlayıb.
Məlumatlar göstərir ki, avqust ayında xarici ticarət kəsiri 8,66 milyard dollar olaraq qeyd edilib.
Ticarət Nazirliyinin ilkin məlumatları sözügedən dövrdə xarici ticarət kəsirinin 8,9 milyard dollar olacağını göstərirdi. İyulda isə 12,22 milyard dollarlıq xarici ticarət kəsiri qeydə alınmışdı.
Yanvar-avqust dövründə xarici ticarət kəsiri 11,9 faiz artaraq 73 milyard 535 milyon dollardan 82 milyard 304 milyon dollara yüksəlib. Avqust ayından etibarən də 12 aylıq xarici ticarət kəsiri 109,5 milyard dollar olub.
Bizi sosial şəbəkələrdən izləyin!!
