Müəllif:Mehin Qasımova/Banco.az
Türkiyədə mənzil alan xarici vətəndaşlara yeni məhdudiyyətlər qoyulub.
Banco.az xəbər verir ki, Türkiyə İmmiqrasiya İdarəsi əcnəbilər üçün mənzil satışını 250 min dollardan 400 min dollara yüksəldib.
16 oktyabr 2023-cü il tarixindən etibarən yaşayış icazəsi almaq üçün əcnəbilərin daşınmaz əmlak alması üçün aşağı hədd 75 min dollardan 200 min dollara qaldırılıb.
Əcnəbilərə vətəndaşlıq məqsədi ilə mənzil satışının aşağı həddi keçən il 250 min dollardan 400 min dollara qaldırıldıqdan sonra yaşayış məqsədi ilə mənzil satışı limiti də artırılıb.
13 iyun 2022-ci ildə edilən son tənzimləmə ilə 400 min dollar dəyərində daşınmaz əmlak alan əcnəbilər birbaşa Türkiyə vətəndaşlığı üçün müraciət etmək hüququ qazanıb.
Sentyabrda əcnəbilərə mənzil satışı 42 faiz azalaraq 2930 evlə məhdudlaşdırılıb.
Bu dövrdə xaricilərə satışın ümumi mənzil satışlarında payı 2,9 faiz təşkil edib.
Yanvar-sentyabr dövründə xaricilərə mənzil satışlarında 43,5 faiz azalma, əcnəbilərə isə 28 min 64 ev satılıb.
Xaricilər 2018-2022-ci illər arasında ildə orta hesabla 50 minə yaxın ev alıblar.
2021-ci ilin ilk altı ayında alınan evlərin sayı 20 mini keçib. Xaricilərə mənzil satışı 2022-ci ildə rekord qırıb. 2019-cu ildə 46 min idisə, 2022-ci ildə bu 68 mini keçib.
Bizi sosial şəbəkələrdən izləyin!!
