Müəllif: Tamara Mustafayeva, Banco.az
Türkiyə Statistika Təşkilatı (TÜİK) mart ayı üzrə mövsümi təsirlərdən kənarlaşdırılmış inflyasiya məlumatlarını açıqlayıb.
Banco.az xəbər verir ki, Türkiyə Statistika İdarəsinin (TÜİK) məlumatına əsasən, mövsümi təsirlərdən kənarlaşdırılmış istehlak qiymətləri indeksləri (TÜFE) yayımlanıb.
Rəqəmlərə əsasən, mart ayında aylıq inflyasiya 2,6 faiz səviyyəsində olub.
Eyni məlumat dəstində əsas inflyasiya (çəkirdek enflasyon) 2,22 faiz olaraq qeydə alınıb.
Mal inflyasiyası isə həmin dövrdə 2,44 faizədək artıb. Mal qrupları arasında ən yüksək artım 14,91 faizlə təzə meyvə və tərəvəz kateqoriyasında müşahidə olunub.
Xidmət sektoru üzrə inflyasiya isə 2,96 faiz təşkil edib. Xidmətlər qrupu daxilində ən yüksək qiymət artımı 4,13 faizlə kirayə haqqı sahəsində qeydə alınıb.
Bizi sosial şəbəkələrdən izləyin!!
