Müəllif: Tamara Mustafayeva, Banco.az
Türk Hava Yolları (THY) məlumat sistemlərində yaranan nasazlıq səbəbindən bilet və rezervasiya sistemlərində yaranan problemin aradan qaldırılması üçün işlər görüldüyünü bildirib.
Banco.az xəbər verir ki, qlobal miqyasda hava yollarında, hava limanlarında, banklarda, telekommunikasiya şirkətlərində və yayım təşkilatlarında informasiya kəsintisi müşahidə edilməkdədir.
Avstraliyada yerləşən "Telstra" telekommunikasiya şirkəti qlobal kəsintinin həm "Microsoft", həm də "CrowdStrike"a təsir edən qlobal problemdən doğduğunu bildirib.
THY-nin mətbuat müşaviri Yahya Üstün də sosial mediada mövzu ilə bağlı açıqlama verib. Onun sözlərinə görə, informasiya sistemlərində yaranan problemlər səbəbindən biletlərin satışı və bronlaşdırma prosesində fasilələr yaranıb. O, bununla belə, şirkətin fəaliyyətinin tədricən normala qayıtdığını vurğulayıb.
Bizi sosial şəbəkələrdən izləyin!!
