“TuranBank” ASC 2016-cı ilin yanvar-sentyabr müddətini 1 milyon 106 min manat zərər ilə başa vurub.
Bankın maliyyə hesabatlarına istinadən xəbər verilir ki, 9 ayda Bankın cəmi gəlirləri 28 milyon 75 min manat, xərcləri isə 28 milyon 258 min manat təşkil edib və nəticədə 92 min 481 min manatlıq əməliyyat zərəri yaranıb.
Aktivlər üzrə mümkün zərərlərin ödənilməsi üçün xüsusi ehtiyatın yaradılmasına 10 milyon 14 min manat ayırma nəzərdə tutulduğundan zərər 1 milyon 106 min manata çıxıb.
Xəbər verdiyimiz kimi, TuranBankın İdarə Heyətinə yeni sədr təyin olunmuşdur. 2011-ci ildən Bankın Müşahidə Şurasının üzvü işləmiş Rauf Kazımov isə İdarə Heyətinin Sədri vəzifəsinə təyin olunmuşdur. Yeni rəhbərə böyük ümidlər bəslənir.
Xatırladaq ki, 2015-ci ilin yanvar-sentyabr aylarında bankın gəlirləri 26,6 milyon manat, xərcləri isə 26,1 milyon manat təşkil etmiş, hesabat dövrü ərzində bankın mənfəəti 443 min manat olmuşdu.
Mənbə: Marja.az
