Müəllif:Mehin Qasımova,Banco.az

ABŞ  Prezidenti Donald Tramp vətəndaşların federal məlumatlara və xidmətlərə daha asan çıxışını təmin etmək məqsədi daşıyan süni intellektlə işləyən  "America.gov" platformasını işə salıb.

Banco.az xəbər verir ki, Tramp çıxışında federal hökumətin vətəndaşlara "America.gov" vasitəsilə xidmətlər göstərəcəyini bildirib və əlavə edib:

"Əslində, bu gün biz sadəcə sadə bir veb sayt deyil, Amerikanın qurulmasının fundamental vədini canlandıran və hökumətimizin 21-ci əsr və sonrakı dövr üçün yenidən dizaynını təmsil edən bir təşəbbüs irəli sürürük".

Tramp bildirib ki, vətəndaşlar minlərlə veb sayt, qayda və formada axtarış aparmaq əvəzinə, ehtiyac duyduqları bütün xidmətlərə tək bir giriş nöqtəsi vasitəsilə daxil ola biləcəklər.

Ağ ev rəhbəri bildirib ki, "Grok", "Gemini" və ya "ChatGPT" istifadə edənlər "America.gov"dan necə istifadə edəcəklərini dərhal başa düşəcəklər və əlavə edib ki, vətəndaşlarımız əslində mövcud olmayan iş yerləri və ya heç kimin anlaya bilməyəcəyi qədər mürəkkəb bürokratik proseslər səbəbindən sistemdən kənarda qalmayacaqlar.