"Bloomberg"in mövzuya yaxın mənbələrə istinadən yaydığı xəbərə görə, ABŞ Prezidenti Donald Tramp, Çindən idxal olunan 160 milyard dollarlıq məhsula 15% vergi tətbiq olunmasını nəzərdə tutan tarifləri təxirə salan birinci mərhələ ticarət razılaşmasını imzalayıb. Tariflər 15 Dekabrda qüvvəyə minəcəkdi.

Məlumata görə, Cümə axşamı günü Çinin daha çox kənd təsərrüfatı məhsulları alışını da nəzərdə tutan razılaşma ticarət heyəti tərəfindən Trampa təqdim edilib. Eyni zamanda rəsmilər, Çin məhsulları üzərindəki mövcud olan tariflərin aşağı salınmasının da razılaşdırıldığını bildiriblər. Razılaşmanın tam mətni hələ ictimaiyyətə açıqlanmayıb. 

Dünən Tramp "Twitter" hesabından, "Çin ilə böyük bir razılaşmaya yaxınlaşırıq. Onlar istəyirlər, biz də elə!" bildirib. 

ABŞ, 20 aydır davam edən ticarət müharibəsində əvvəl 250 milyard dollarlıq Çin məhsullarına 25%, daha sonra 110% milyard dollarlıq Çin məhsullarına 15% əlavə gömrük vergisi tətbiq etmişdi. Dekabrın 15-dən 160 milyard dollarlıq Çin məhsullarına əlavə gömrük tarifi tətbiq ediləcəyi açıqlanmışdı. 

marja