Tamara Mustafayeva, Banco.az
"Toyota" şirkəti varlılara imtiyaz verilməsi iddiası ilə ABŞ-da elektrik avtomobillərinə vergi endirimi edilməsini təklif edən qanun layihəsinə etiraz edib.
Banco.az xarici mətbuata istinadla bildirir ki, yapon avtomobil istehsalçısı "Toyota" şirkəti ABŞ Nümayəndələr Palatasının yayımladığı və elektromobillər üçün vergi endirimlərini özündə ehtiva edən qanun layihəsinə varlılara üstünlük verilməsini səbəb göstərərək etiraz edib.
ABŞ-da sindikata sahib olmayan bir neçə avtomobil istehsalçısından biri olan "Toyota" sindikat üzvü olan işçilərin çalışdığı şirkətlərdə istehsal edilən elektromobillərə 12 min 500 dollara qədər vergi güzəşti tətbiq edilərkən, "Tesla", "Honda" və öz istehsalı olan avtomobillərə tətbiq edilən vergi endiriminin 7 min 500 dollar olmasına etiraz edib.
Şirkət tərəfindən bazar ertəsi edilən açıqlamada hər kəs üçün 7 min 500 dollarlıq vergi endiriminin bütün Amerikalıların əlçatanlığı üçün daha uyğun olacağı və bunu dəstəkləyəcəkləri bildirilib.
Bizi sosial şəbəkələrdən izləyin!!
