Tamara Mustafayeva, Banco.az
TikTok platformasının sahibi olan BtyeDance şirkəti dünyanın ikinci ən böyük proqramlaşdırma şirkəti Oracle və pərakəndə nəhəngi Walmart ilə razılıq əldə edib.
Bu razılığa görə, ABŞ-ın Oracle və Walmart şirkətləri Çinin ByteDance şirkətinə məxsus 20%-lik səhmləri satın alacaq, beləliklə də, TikTok platformasının Amerika əməliyyatlarını idarə edəcəklər.
Banco.az xarici mətbuata istinadla bildirir ki, sözügedən üç şirkətin əməkdaşlığı çərçivəsində inzibati mərkəzi ABŞ-da yerləşəcək "TikTok Global" yaradılacaq. Yeni yaradılacaq qurumun idarə heyətinə ByteDance şirkətinin təsisçisi Zhang Yiming, Walmart şirkətinin CEO-su Doug McMillon və ByteDance-ın digər direktorlarının daxil olacağı bildirilib.
Hazırki plana əsasən, TikTok platformasının hər hansı bir alqoritm və ya texnologiya transferi həyata keçirməsinin nəzərdə tutulmadığı, Oracle şirkətinin təkcə platformanın ABŞ-dakı mənbə kodlarına təhlükəsizlik çıxışının olacağı qeyd edilib.
60 milyard dollar dəyər qazancı gözlənilir
Oracle və Walmart tərəfindən həftə sonu edilən açıqlamaya görə, bir il ərzində ABŞ-da səhmlərinin satışa çıxarılması planlaşdırılan "TikTok Global"-ın ABŞ xəzinəsinə 5 milyard dollar vergi ödəcəyi bildirilib.
Digər tərəfdən dünya mətbuatında yayılan xəbərlərə əsasən bu əməkdaşlıqdan sonra TikTok platformasının 60 milyard dollar dəyər qazanacağı proqnozlaşdırılır.
Həmçinin oxu: ABŞ-da TikTok qadağası təxirə salındı
Bizi sosial şəbəkələrdən izləyin!!
