Tibbi sığorta xidmətlərinin vergidən azad edilməsi necə tənzimlənir? | Banco.az

Tibbi sığorta xidmətlərinin vergidən azad edilməsi necə tənzimlənir?

Vergi Məcəlləsinə əlavə edilmiş 164.1.51-ci maddəyə və "Tibbi sığorta haqqında" Qanuna uyğun olaraq icbari tibbi sığorta fondunun vəsaiti hesabına tibbi sığorta xidmətlərinin göstərilməsi 2020-ci il yanvarın 1-dən 1 il müddətinə ƏDV-dən azad edilmişdir.

Vergilər Nazirliyindən bildirilib ki, "Tibbi sığorta haqqında" Qanunun 1.0.1-ci maddəsinə əsasən, xidmətlər zərfi - icbari tibbi sığortanın maliyyə mənbələri hesabına sığortaolunanlara müvafiq növdə, həcmdə və şərtlərlə göstərilən tibbi xidmətlərin toplusudur.

Həmin qanunun 15-12.1-ci maddəsində isə qeyd edilib ki, tibbi xidmətlər sığortaolunanlara xidmətlər zərfinə uyğun olaraq icbari tibbi sığorta fondunun vəsaiti hesabına göstərilir. "Tibbi sığorta haqqında" Qanunda könüllü tibbi sığorta sistemində tibbi xidmətlər üçün tariflər, icbari tibbi sığorta üzrə tibbi xidmətlərin göstərilməsi qaydası, habelə icbari tibbi sığortanın maliyyə mənbələri hesabına tibbi xidmətlərin göstərilməsi ilə bağlı tibbi sığortanın subyektləri arasındakı münasibətləri tənzimləyir.

Ən sərfəli kredit üçün müraciət et

Qeyd olunanlara əsasən, icbari tibbi sığorta fondunun vəsaiti hesabına göstərilən xidmətlər icbari tibbi sığorta çərçivəsində tibb müəssisələri tərəfindən göstərilən tibbi xidmətlərdir.

Vergiler.az

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç